Fríar fitusýrur & Omega 3
Lýsi hefur framleitt lausn með 2% af fríum fitusýrum blandaðar í omega-3 fiskiolíu. Fríar fitusýrur (e. free fatty acids) eru m.a. unnar úr fiskiolíum og hafa þær verið mikið rannsakaðar á Íslandi og í Bandaríkjunum. Niðurstöður þessara rannsókna gefa til kynna að fríar fitusýrur eyðileggja hjúpaðar veirur auk ýmissa baktería. Þegar veirur komast í öndunarfæri berast þær um munn eða nef og taka sér síðan bólstað í slímhúð koksins. Omega-3 fiskiolía er framleidd úr fiskitegundum sem eru auðugar af Omega-3 fitusýrum.Omega-3 fitusýrurnar EPA og DHA stuðla að eðlilegri starfsemi hjartans. Til þess að ná fram þeim áhrifum þarf að neyta samtals 250 mg á dag. DHA stuðlar að auki að eðlilegri sjón og heilastarfsemi. Til að áhrifin skili sér þarf að neyta 250 mg af DHA á dag. Leiðbeiningar um notkun: 5 ml 2-4 sinnum á dag skolist um slímhúð koks og munns sem lengst. Til að ná sem bestri virkni skal hvorki borða né skola munn í 10-15 mín á eftir. Varan er einungis ætluð fullorðnum. Varan er ekki lyf og þar með ekki meðferð eða lækning við sjúkdómum. Innihald: Omega-3 fiskiolía, fríar fitusýrur úr fiskiolíu (2%), sítrónubragðefni, þráavarnarefni (náttúruleg tókóferól). Næringargildi í einum skammti: per 20 ml Orka 685 kJ / 165 kkal - Próteín 0g - Kolvetni 0g - Fita 18,6g, þar af mettuð fita 4,9g, einómettuð fita 4,8g, fjölómettuð fita 8,9g - Þar af Omega-3 fitusýrur: EPA 2975 mg -DHA 1950 mg * % af næringarviðmiðunargildi fyrir fullorðna samkvæmt reglugerð. Lýsi hf., Fiskislóð 5-9, 101 Reykjavík
Lýsi hf.
Lýsi byggir á áratuga reynslu og hefur ætíð verið í fremstu röð framleiðslufyrirtækja í heiminum. Tilkoma nýrra verksmiðja árin 2005 og 2012 hefur svo tryggt fyrirtækinu forystu á sínu sviði um ókomin ár. Verksmiðjurnar gera fyrirtækinu kleift að bjóða upp á fjölbreytt úrval lýsisafurða í hæsta gæðaflokki.
Aðalverksmiðja og höfuðstöðvar Lýsis eru í Reykjavík, en þess utan er fyrirtækið með lifrarbræðslu, hausaþurrkun og framleiðslu á gæludýrafóðri í Þorlákshöfn. Þá á Lýsi niðursuðuverksmiðjuna Akraborg.